Urahannyja viatry, jakija pranieślisia nad paŭnočnymi rajonami FRH uviečary 5 maja, vyklikali surjoznyja razbureńni. Asabliva mocna paciarpieŭ haradok Biutcaŭ pad Rostakam u fiederalnaj ziamli Mieklenburh — Piaredniaja Pamieranija.
Tut praniośsia śmierč, u vyniku jakoha paciarpieli bolš za 30 čałaviek, adzin ź ich — špitalizavany, paviedamiŭ u sieradu, 6 maja, pradstaŭnik miascovych uładaŭ, piša dw.de
Pavodle jaho słoŭ, viecier sarvaŭ dachi ź vialikaj kolkaści damoŭ i paškodziŭ aŭtamabili.
U adnoj z balnic paškodžany dach, u vyniku čaho pacyjentaŭ pryjšłosia evakujavać u inšaje pamiaškańnie. Masavaj evakuacyi nasielnictva, adnak, nie spatrebiłasia. Miascovyja ŭłady aceńvajuć škodu ŭ šmat miljonaŭ jeŭra.
Miž tym u Hamburhu pad abłomkami sarvanaha vietram dachu zahinuŭ 26-hadovy mužčyna.
Jaho 25-hadovaja spadarožnica žyćcia špitalizavana ź ciažkimi traŭmami, paviedamlaje ahienctva AFP sa spasyłkaj na palicyju.
Cykłon źmiaščajecca va ŭschodnim kirunku i pryniasie ŭ Biełaruś mocnyja daždžy. Prynamsi sinoptyki prahnazujuć zalevy na čaćvier 7 maja.
