Na sajcie źjaviŭsia ściah «Isłamskaj dziaržavy Iraka i Levanta» i aŭtamatyčna ŭklučaŭsia trek na arabskaj movie.
«Ja dumaju, što nas «chaknuli» vypadkova. U nas nie takaja šyrokaja audytoryja, kab naŭmysna zacikavić chakieraŭ, — miarkuje vakalistka «Shuma» Maryna Šukiurava, bolš viadomaja jak «Rusia». — My niadaŭna abnavili dyzajn sajta, jon pačaŭ dobra indeksavacca ŭ pošuku i vypadkova trapiŭ pad uvahu chakieraŭ»
Sama Maryna zaŭvažyła prablemy na sajcie ŭčora. Zaraz jon znoŭ pracuje.
«Jany napisali: «My nie terarysty, my prosta hołas zabytaha narodu»… Chaknuć sajt «Shuma», hurtu, jaki adradžaje hołas svajho zabytaha narodu — heta ironija losu», - kaža Šukiurava.
Sapraŭdy, staronku biełaruskaha hurtu chutčej za ŭsio uzłamali vypadkova. Tajamničyja Moh Oasiic (na arabskaj heta značyć «Ałžyrski Machamied») i Lakhdar DZ, jakija padpisali, što heta jany ŭzłamali sajt, darečy, jość u Fejsbuku. Na staroncy apošniaha amal štodzień źjaŭlajucca doŭhija śpisy «chaknutych» staronak. Sajty samyja roznyja: niamieckija, francuzskija, navat vienhierskija, roznych kampanij i napramkaŭ. Na niekatorych i zaraz visić paviedamleńnie na anhlijskaj: «My arabskija vajary! Svabodu Paleścinie! Svabodu Siryi! Spynicie zabojstvy musulman! Chopić zabivać nas!». Na inšych prosta na peŭny čas vyviešvałasia čornaja staronka z nadpisam «Chakiery Isłamu», ci toj ža ściah «Isłamskaj dziaržavy».
