Sud nad palitviaźniem Mikałajem Statkievičam pa źmienie režymu adbyćcia pakarańnia – z zamienaj jaho na turemny, adbudziecca siońnia, 4 maja, u Škłoŭskaj papraŭčaj kałonii №17. Pačatak u 14:30.

Padstavaju stali nibyta šmatlikija parušeńni praviłaŭ unutranaha rasparadku kałonii i niepadparadkavańnie patrabavańniam kiraŭnictva.

Zusim niadaŭna, u liście žoncy Marynie Adamovič jon paviedamiŭ pra toje, što źmieščany ŭ pamiaškańnie kamiernaha typu (PKT).

«U sumie ŭ jaho nabrałosia 13 spahnańniaŭ, ź jakich 10 — za admovu ad pracy. Pryčym apošnija 5 jahonych admoŭ zakončylisia zvyčajnymi vymovami, bo raniej usio, što možna było z pakarańniaŭ, suproć jaho ŭžo ŭžyvali. 

Raniej palitviazień Mikałaj Statkievič paviedamlaŭ, što jamu pahražaje zaviadzieńnie spravy za šmatlikija parušeńni režymu i adpraŭka ŭ krytuju turmu jak złosnaha parušalnika režymu.

Mikałaj Statkievič — adziny z byłych kandydataŭ u prezidenty, jaki ŭtrymlivajecca dahetul u turmie paśla prezidenckich vybaraŭ 2010 hodu. Sud pryznaŭ apazycyjnaha palityka vinavatym u arhanizacyi vuličnych biesparadkaŭ i asudziŭ na 6 hadoŭ źniavoleńnia. Mikałaj Staktievič nie pryznaŭ siabie vinavatym i admoviŭsia padavać na imia Łukašenki prašeńnie ab pamiłavańni. Mikałaj Statkievič adbyvaŭ pakarańnie ŭ škłoŭskaj kałonii, zatym rašeńniem sudu ad 12 studzienia 2012 h. umovy adbyćcia pakarańnia byli źmienienyja na bolš žorstkija, jaho pieraviali z kałonii №17 u Škłovie ŭ turmu №4 h. Mahilova.

12 studzienia 2015 hoda byŭ etapavany dla dalejšaha adbyćcia pakarańnia ŭ škłoŭskuju papraŭčuju kałoniju №17.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?