ria.ru

ria.ru

Jak viadoma, da jubileju Pieramohi Biełaruski respublikanski sajuz moładzi inicyjavaŭ prajekt «Kvietki Vialikaj Pieramohi», simvałam jakoha staŭ ćviet jabłyni sa stužkaj koleraŭ dziaržaŭnaha ściaha. Start patryjatyčnamu prajektu byŭ dadzieny ŭ studzieni 2015 h. na źjeździe hramadskaha abjadnańnia i padtrymany Alaksandram Łukašenkam.

«U dačynieńni da hieorhijeŭskaj stužki, u dačynieńni da prajekta, akcyi Rasijskaj Fiederacyi — ni zabarony, ni niejkich sankcyj tut nie nakładałasia i nie budzie abmiežavańniaŭ», — zajaviŭ Buzoŭski.

Hetuju zajavu jon zrabiŭ u intervju prahramie «Karcina śvietu», pakazanym u subotu na kanale «RTR-Biełaruś».

Miž tym Buzoŭski padtrymaŭ prapanavany Biełaruskim respublikanskim sajuzam moładzi simvał Pieramohi — ćviet jabłyni z čyrvona-zialonaj stužačkaj.

«Toje, što abrany jašče adzin znak, kab padkreślić naša staŭleńnie — krainy, nie asobna ŭziataj arhanizacyi — da Vialikaj Pieramohi, zasłuhoŭvaje pryznańnia i pavahi», — skazaŭ namieśnik kiraŭnika administracyi. «Što datyčycca našych simvałaŭ, to jany byli, jość i buduć raźvivacca», — praciahnuŭ jon.

Buzoŭski vykazaŭ zdahadku, što hieorhijeŭskaja stužka moža stać častkaj jakoha-niebudź prajekta hramadskaj arhanizacyi abo palityčnaj partyi.

«Heta ruch, jaki siońnia maje miesca i nie vyklikaje siońnia adkidańnia. Heta naš bajavy dośvied, bajavaja relikvija, častka ordenaŭskich płanak, častka stužački na marfłocie, heta simvalizm, jaki nas abjadnoŭvaŭ. Niepryniaćcia zusim niama», — skazaŭ jon.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?