Bi-Bi-Si

Bi-Bi-Si

Raźvitańnie z balerynaj Majiaj Plisieckaj, jakaja pamierła napiaredadni na 90-m hodzie žyćcia, projdzie ŭ Hiermanii ŭ kole rodnych i blizkich.

Pra heta ŭ niadzielu, 3 maja, paviedamlaje TASS sa spasyłkaj na hienieralnaha dyrektara Vialikaha teatra Uładzimira Uryna.

Uryn raspavioŭ ahienctvu, što muž Plisieckaj Radzivon Ščadryn aznajomiŭ jaho z toj častkaj ich sumiesnaha zaviaščańnia, jakaja tyčycca raźvitańnia i rytuału pachavańnia.

«Apošniaja vola takaja: «Cieły našyja paśla śmierci spalić, i kali nastanie sumnaja hadzina sychodu z žyćcia taho z nas, chto pražyŭ daŭžej, abo ŭ vypadku našaj adnačasovaj śmierci, abodva našy prachi złučyć razam i raźviejać nad Rasijaj», — paviedamiŭ hiendyrektar Vialikaha teatra, piša tvrain.ru.

U 2000 h. u intervju radyjostancyi «Echo Moskvy» Majia Plisieckaja skazała, što jaje prodki pachodziać ź Biełarusi:

A. Vieniadziktaŭ: A adkul proźvišča, Plisieckaja?

M. Plisieckaja: Naohuł, ź Biełarusi, Plisieckija ich vytoki biełaruskija.

A. Vieniadziktaŭ: Šlachcičy, vidavočna. Tak?

M. Plisieckaja: Mabyć, tak.

A. Vieniadziktaŭ: Nie cikavilisia? Nie kapali?

M. Plisieckaja: Vy viedajecie, niama čaho kapać, niama čaho cikavicca: nikoha nie zastałosia.

Клас
Панылы сорам
Ха-ха
Ого
Сумна
Абуральна