Fłojd Mejuezer-małodšy (źleva) i Meni Pakjao. Fota: Steve Marcus / Reuters.

Fłojd Mejuezer-małodšy (źleva) i Meni Pakjao. Fota: Steve Marcus / Reuters.

Amierykanski baksior Fłojd Mejuezer paviedamiŭ, što admovicca ad usich troch tytułaŭ čempijona śvietu ŭ prestyžnych viersijach u paniadziełak, 4 traŭnia

Pra heta sa spasyłkaj na samoha spartoŭca paviedamlaje Agence Agence France-Presse.

«Inšyja baksiory pavinny atrymać šaniec. Ja nie prahny», — patłumačyŭ Mejuezer svajo pastanovu.

Taksama amierykaniec paviedamiŭ, što nie viedaje, chto stanie jahonym nastupnym supiernikam. «Dazvolcie mnie adśviatkavać maju pieramohu. Možna? Nu kali łaska? Meta majoj karjery zaklučałasia ŭ tym, kab atrymać dzieviaciznačny hanarar za adzin boj. Mienavita heta ja i zrabiŭ siońnia. U čeku 9 ličbaŭ!» — adznačyŭ Mejuezer. Raniej jon paćvierdziŭ, što ŭ vieraśni praviadzie apošni pajadynak u karjery.

Amierykanski baksior Fłojd Mejuezer vyjhraŭ u filipinca Meni Pakjao ŭ tytulnym bai i staŭ uładalnikam troch pajasoŭ čempijona śvietu ŭ vahavoj katehoryi da 66,68 kiłahramaŭ — u viersijach Suśvietnaj baksiorskaj asacyjacyi (WBA), Suśvietnaha baksiorskaha savieta (WBC) i Suśvietnaj baksiorskaj arhanizacyi (WBO).

Dvanaccaciraundavy «boj stahodździa» adbyŭsia ŭ Łas-Viehasie i zaviaršyŭsia pieramohaj amierykanca pavodle bałaŭ adnahałosnaj pastanovaj sudździaŭ ź likam 118:110, 116:112, 116:112. Filipiniec nie zmoh pieraadoleć abaronu Mejuezera, jaki ŭmieła abaraniaŭsia i vynikova dziejničaŭ na kontratakach.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?