Ziemlatrus u Niepale, što adbyŭsia 25 krasavika, pamienšyŭ vyšyniu Evieresta.

Pra heta sa spasyłkaj na dadzienyja adrazu niekalkich hrup navukoŭcaŭ, piša hazieta The Huffington Post.

Paśla kataklizmu vyšynia samaj vysokaj hary śvietu źmienšyłasia na calu (2,54 santymietra). Vysnovy navukoŭcaŭ zasnavanyja na danych jeŭrapiejskaha spadarožnika «Vartavy-1», jaki prachodziŭ nad Evierestam 29 krasavika.

U svaju čarhu supracoŭnik Abjadnanaha instytuta daśledavańniaŭ u halinie achovy navakolnaha asiarodździa prafiesar Rodžer Biłcham (Roger Bilham) aceńvaje straty ŭ vyšyni ŭ adzin-dva milimietry. Zatoje, pa jaho danych, horny masiŭ Anapurna, što taksama ŭ Himałajach, vyras u vyniku ziemlatrusu na 20 santymietraŭ.

Hiermanski aerakaśmičny centr taksama pryjšoŭ da vysnovy, što častka ziamnoj pavierchni ŭ rajonie Katmandu pamieram 55 na 18 mil (prykładna 88,5 km na 29 km, bolš za 2,5 tys. kv. km) padniałasia na try futy (kala 91 santymietra) ad raniejšaha ŭzroŭniu.

Usie navukoŭcy tłumačać źmianieńnie reljefu pasłableńniem napružańnia ziamnoj kary paśla padziemnych šturškoŭ.

Da ziemlatrusu hieałahičnaja płatforma była ŭ napružańni, jak ścisnutaja humka, a paśla ŭdaru stychii «rassłabiłasia».

Heta i pryviało da źmienaŭ vyšyni pavierchni.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?