Kanclerka Niamieččyny Anhieła Mierkiel ličyć svoj vizit u Maskvu 10 maja «vielmi važnym momantam», jaki pradyktavany adkaznaściu.

Pra heta kiraŭnik urada FRH zajaviła ŭ videazvarocie, abnarodavanym 2 maja na sajcie ŭrada.

«My, niemcy, majem asablivuju adkaznaść: uvažliva i taktoŭna abychodzicca z tym, što było naniesiena ŭ časy nacyjanał-sacyjalizmu», — skazała Mierkiel.

Taksama jana adznačyła, što «ŭ historyi niama apošnich štrychoŭ».

Pa słovach Mierkiel, jaje vizit u Maskvie 10 maja — «vielmi važny momant».

Pry hetym kancler pryznała, što ciapier Niamieččyna z Rasiejaj majuć «vielmi roznyja pazicyi adnosna taho, što adbyvajecca va Ukrainie».

Jak viadoma, ni adzin ź jeŭrapiejskich kiraŭnikoŭ, navat Alaksandr Łukašenka, nie pajedzie na parad Pieramohi na Čyrvonaj płoščy 9 maja. Tam buduć prysutničać tolki lidary Kitaja, Indyi, Paŭdniovaj Afryki i Manholii.

10 maja Mierkiel ŭskładzie razam z prezidentam Rasii Pucinym vianki da mahiły Nieviadomaha sałdata i praviadzie z rasijskim lideram pracoŭny abied.

Raniej kiraŭnik MZS FRH Frank-Valter Štajnmajer zajaviŭ, što jedzie ŭ Rasiju, kab ušanavać pamiać achviar Druhoj suśvietnaj vajny.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?