Žycharka Dokšyc Alaksandra Radzievič vykanała znakamity saŭndtrek da multfilma «Chałodnaje serca» pa-biełarusku.

«Ja ŭdzielničaju ŭ konkursie hracyi i artystyčnaha majsterstva «Karaleva Viasna — 2015», — raspaviała «Našaj Nivie» Alaksandra. — Adna z častak konkursu — tvorčy numar. Dla ŭdziełu ŭ im ja vyrašyła pierakłaści na biełaruskuju movu pieśniu «Let It Go». Darečy, kažuć, što vonkava ja padobnaja da hałoŭnaj hieraini multfilma Elzy…»

Dziaŭčyna vučycca ŭ Biełaruskim dziaržaŭnym ahrarnym techničnym univiersitecie na fakultecie pradprymalnictva i kiravańnia pa śpiecyjalnaści mieniedžar-ekanamist. Pa słovach Alaksandry, va ŭniviersitecie i pa-za im jana viadzie aktyŭnaje žyćcio — pravodzić roznaha rodu kancerty, śpiavaje. U minułym hodzie atrymała dypłom 2 stupieni Respublikanskaha konkursu «Art-vakacyi — 2014». Vakałam dziaŭčyna zajmajecca surjozna — raniej u vakalnaj studyi, ciapier u Centry muzyčnaj adukacyi «Microfon».

«Volny čas lublu bavić u kole svaich blizkich i siabroŭ, hatavać, fatahrafavać, zajmacca sportam i inšymi karysnymi spravami», — dzielicca Alaksandra.

Pieśnia z samaha kasavaha multfilma ŭ historyi atrymała «Oskar» u 2014 hodzie. Jana była pierakładzienaja na 25 moŭ śvietu, biełaruskaja stała dvaccać šostaj.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?