Biełaruskaja biznes-vumen Maryna Padabied, jakaja razam sa svaim mužam Viktaram vałodaje vytvorčaściu dziciačaha adzieńnia «Marusia», užo była hierainiaj publikacyj «Našaj Nivy». Nahadajem, na pradpryjemstvie zaŭsiody byli prablemy z vypłataj zarobkaŭ. Nie dapamahali navat sudovyja pastanovy, bo kiraŭnictva «Marusi» ihnaravała ich.

Ciapier uspłyli novyja fakty ź bijahrafii Maryny Padabied.

U Redakcyju trapiła rašeńnie sudovaj kalehii pa spravach intelektualnaj ułasnaści Viarchoŭnaha suda. Pavodle jaho Padabied faktyčna zaklučała z samoj saboj damovy na sumu kala $1 miljona.

Pačałosia ŭsio jašče ŭ 2008-m. Tady adzin z zasnavalnikaŭ «Marusi» vyrašyŭ vyjści ź biznesu i praz sud zabrać svaju dolu hrošaj.

Maryna Padabied, jakaja vałodała pravami na tavarny znak «Marusia», tym časam zarehistravałasia jak indyvidualnaja pradprymalnica. Nieŭzabavie biznes-vumien zaklučyła sa svaim ža pradpryjemstvam damovu.

Pavodle jaje, za vykarystańnie tavarnaha znaka «Marusia» pavinna była štomiesiac płacić IP Padabied 20% ad ahulnaj cany adhružanaha tavaru. Aproč taho, za adterminoŭku apłaty «Marusia» musiła płacić dyrektarcy štrafy pa vysokich staŭkach.

U vyniku, doŭh «Marusi» pierad IP Padabied skłaŭ bolš za 2,7 miljarda rubloŭ (pa kursie na 2010 hod — amal $1 miljon). Hety doŭh Maryna Padabied pieradała novamu pradpryjemstvu, «Brend Fešn Hrup», zasnavalnicaj i dyrektarkaj jakoha ličycca Taćciana Pryvalichina, stareńkaja maci Maryny Padabied (sama Padabied u kampanii aformlena śpiecyjalistam pa prodažach).

Astatnija kredytory pradpryjemstva zastalisia z nosam —z rešty hrošaj na rachunkach «Marusia» pavinna spačatku raźličycca z «Brend Fešn Hrup».

U śniežni 2014 hoda sud pryznaŭ licenzijnuju damovu pamiž IP Padabied i «Marusiaj» nikčemnaj.

Ale Maryna i tut nie zhubiłasia. Nieŭzabavie na śviet źjaviłasia novaja licenzijnaja damova, amal takaja ž, jak i minułaja, tolki datavanaja 2010 hodam. Raniej pra jaje isnavańnie nichto nie ŭzhadvaŭ.

Taksama źjaviŭsia i ŭvieś astatni kamplekt dakumientaŭ: damova pieravodu doŭha z «Marusi» na «Brend Fešn Hrup» i hetak dalej. To bok, usio toje ž samaje, tolki zamiest 2009 hoda na dakumientach stajaŭ 2010.

Los hetaj «novaj staroj» damovy iznoŭ ža budzie razhladać sud. Termin pasiadžeńnia pakul nie viadomy.

Tym časam byłyja supracoŭnicy pradpryjemstva, jakija i praź niekalki miesiacaŭ paśla zvalnieńnia nie mohuć atrymać zarobak, rychtujuć kalektyŭny pazoŭ u prakuraturu.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?