Jeŭrasajuz moža padoŭžyć sankcyi ŭ dačynieńni da Rasii ŭžo ŭ červieni.
Pra heta, jak paviedamlaje ahienctva Reuters, kancler Hiermanii Anhieła Mierkiel zajaviła ŭ paniadziełak, 27 krasavika, u Varšavie na sumiesnym bryfinhu z premjer-ministram Polščy Evaj Kopač.
Mierkiel nahadała, što ES jašče ŭ sakaviku vyrašyŭ źviazać pytańnie źniaćcia abo padaŭžeńnia abmiežavalnych mier z vykanańniem Maskvoj minskich damoŭlenaściej.
Pa słovach Mierkiel, ciapier stała «całkam vidavočna», što realizacyja pakieta minskich pahadnieńniaŭ zojmie bolš času, čym mierkavałasia pieršapačatkova.
«My zojmiemsia hetym pytańniem u červieni», - skazała jana.
Jak pieradaje Reuters, Mierkiel zychodzić z taho, što sankcyi ŭ dačynieńni da Rasii buduć pradoŭžany. Uzajemnuju hatoŭnaść da hetaha Hiermanii i Polščy paćvierdziła i Kopač, jakaja prytrymlivajecca anałahičnaha punktu hledžańnia.
