newskaz.ru

newskaz.ru

Dziejučy prezident Kazachstana Nursułtan Nazarbajeŭ vyjhraŭ prezidenckija vybary, nabraŭšy, pa papiarednich dadzienych, 97,7% hałasoŭ vybarščykaŭ.

Na druhim miescy — sakratar Kamunistyčnaj narodnaj partyi Turhun Syzdykaŭ, na trecim — staršynia fiederacyi prafsajuzaŭ Abielhazi Kusainaŭ, paviedamiŭ staršynia Centralnaj vybarčaj kamisii Kuandyk Turhankułaŭ na bryfinhu ŭ Astanie 27 krasavika, piša newskaz.ru.

Ekśpierty kažuć, što Nazarbajeŭ prapanavaŭ vybarščykam ekanamičnuju i palityčnuju stabilnaść u abmien na svaju nieabmiežavanuju ŭładu.

Vyłučeńnie jašče dźviuch kandydatur na pasadu prezidenta krainy było ŭspryniata mnohimi jak čystaja farmalnaść. Małalikaja i razroźnienaja apazicyja Kazachstana nie vyłučyła nivodnaha kandydata.

74-hadovy palityk, jakomu byŭ prysvojeny aficyjny tytuł «lidar nacyi», abviaściŭ 25 lutaha ab praviadzieńni daterminovaha hałasavańnia. Heta było rasceniena naziralnikami jak žadańnie pakłaści kaniec razmovam jak unutry Kazachstana, tak i za jaho miežami, ab pieradačy ŭłady pierajemniku.

Aficyjna ž było abvieščana, što rašeńnie ab daterminovych vybarach było pryniata paśla zvarotaŭ hramadskich arhanizacyj i hramadzian z ulikam składanaj ekanamičnaj situacyi ŭ śviecie, a taksama dla taho, kab jany nie supali z parłamienckimi vybarami, zapłanavanymi na 2016 hod.

Клас
Панылы сорам
Ха-ха
Ого
Сумна
Абуральна