Lasnaja halina — heta druhi važny napramak dla Biełarusi paśla sielskaj haspadarki, ab hetym zajaviŭ 26 krasavika prezident Alaksandr Łukašenka ŭ čas naviedvańnia Kozyrskaha laśnictva Łahojskaha lashasa ŭ chodzie rabočaj pajezdki ŭ Minskuju vobłaść, paviedamlaje pres-słužba kiraŭnika dziaržavy.

Kiraŭnik dziaržavy padkreśliŭ važnaść najaŭnaści takoha lasnoha resursu ŭ Biełarusi.

«Sielskaja haspadarka i lasnyja ŭhodździ — heta naš vialiki resurs, jaki my pavinny vykarystoŭvać. Finlandyja na hetym svaju ekanomiku pabudavała», - adznačyŭ Łukašenka.

Łukašenka źviarnuŭ uvahu na nieabchodnaść vysadžvańnia lesapałosy ŭzdoŭž aŭtadaroh, jak heta rabiłasia raniej.

«Na ŭsie vysokija adchony treba pasadzić sasnu, i niachaj jana raście ŭzdoŭž darohi. Heta ŭsio roŭna ekanomija. Nie treba hladzieć za hetaj pałasoj. A tak burjan raście — dva razy na hod chočaš nie chočaš jaho treba kasić», - kanstatavaŭ jon.

Łukašenka nahadaŭ, što raniej takija lesapałosy vysadžvalisia ŭzdoŭž aŭtadaroh, ale potym niekatoryja ź ich vysiakalisia.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?