Kiraŭnik dziaržavy adznačyŭ, što niekatoryja krytykujuć pryniaty dakumient. U suviazi z hetym jon skazaŭ: «Sumlennych ludziej nie pakryŭdzić, a hultajoŭ prymusim pracavać».

«Heta tolki pieršy krok, — rastłumačyŭ jon. — My ludziam pakazali — kožny pavinien pracavać. Treba, kab usio było spraviadliva. My pahladzim, jak lepš, i budziem manitoryć situacyju. Nam treba «vyciahnuć» z hramadstva pjanic, zładziuh, darmajedaŭ. Heta surjoznaja prablema».

Kiraŭnik dziaržavy adznačyŭ, što z pavahaj stavicca da šmatdzietnych siemjaŭ. Ale, na žal, akramia stanoŭčych prykładaŭ jość i admoŭnyja, kali baćki viaduć amaralny ład žyćcia, a dzietak zdajuć u dziciačyja damy. Heta nienarmalnaja situacyja. I zrazumieła, što takich niadbajnych šmatdzietnych baćkoŭ treba prymušać pracavać.

Miascovyja žychary, mnohija ź jakich zajmajucca doma vytvorčaściu syroŭ, pacikavilisia, ci nie adniasuć ci i ich da katehoryi tak zvanych darmajedaŭ. U suviazi z hetym Alaksandr Łukašenka rastłumačyŭ, što nijakich pretenzij da ludziej, jakija sapraŭdy pracujuć, być nie moža.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?