Parušeńnie raźvićcia hałaŭnoha mozhu nie dazvalaje aŭtystam zaviazvać i padtrymlivać paŭnavartasnyja adnosiny ŭ hramadstvie, abmiažoŭvaje ichnaje koła zacikaŭlenaściaŭ. Kali vy bačyli sieryjał «Teoryja vialikaha vybuchu», to pamiatajecie Šełdana Kupera, u jakoha možna zaŭvažyć lohkuju stupień aŭtyzmu.

Raźviedčyki adździeła 9900. Fota Sił abarony Izraila.

Raźviedčyki adździeła 9900. Fota Sił abarony Izraila.

Takim ludziam amal niemahčyma praciahły čas znachodzicca ŭ zvyčajnym vajskovym kalektyvie, dzie kožny žaŭnier uvieś čas musić ciesna kantaktavać i supracoŭničać z kalehami i kamandzirami ŭ situacyi, jakaja moža mianiacca kožnuju chvilinu.

Adnak u Izraili, u jakim vojska i słužba ŭ im — pradmiet ahulnanacyjanalnaha honaru, niekalki aficeraŭ znajšli šlach, jak intehravać aŭtystaŭ u armiejskuju strukturu, piša aficyjny błoh Sił abarony Izraila idfblog.com.

Tak zvany «Śpiecyjalny raźviedny adździeł 9900» zajmajecca vyvučeńniem hieahrafičnych dadzienych, analizam zdymkaŭ, jakija atrymanyja sa spadarožnikaŭ i samalotaŭ-raźviedčykaŭ.

Paru hod tamu jon pačaŭ nabirać chvorych na aŭtyzm ź dźviuma metami — dać ludziam mahčymaść prajavić siabie na słužbie svajoj krainie i vykarystać ichnyja asablivaści, jakija ŭ adpaviednych umovach dajuć im pieravahu nad zvyčajnymi žaŭnierami i aficerami.

Sprava ŭ tym, što aŭtysty zdolnyja apracoŭvać vizualnuju i tekstavuju infarmacyju ŭ niekalki razoŭ chutčej, taksama jany adroźnivajucca niejmaviernaj zdolnaściu zaŭvažać samyja drobnyja detali, vielmi vialikaj skancentravanaściu, adznačajuć miedyki.

Praca adździeła 9900. Miesca, dzie była schavanaja zbroja isłamisckaj arhanizacyi Chamas, Sektar Haza. Fota Sił abarony Izraila.

Praca adździeła 9900. Miesca, dzie była schavanaja zbroja isłamisckaj arhanizacyi Chamas, Sektar Haza. Fota Sił abarony Izraila.

U supracy ź miedykami i niedziaržaŭnymi arhanizacyjami, jakija zajmajucca dapamohaj i sacyjalizacyjaj ludziej z aŭtyzmam, byŭ raspracavany specyjalny kurs padrychtoŭki dla aŭtystaŭ, jakija pažadali stać žaŭnierami.

Ź ichnymi budučymi kamandzirami taksama papracavali, kab rastłumačyć im, jak zrabić tak, kab padnačalenyja adčuvali siabie maksimalna kamfortna, što, u svaju čarhu, zabiaśpiečyć najlepšaje vykanańnie zadačaŭ usiaho padraździaleńnia.

Adnačasova vajskoŭcy-aŭtysty nie adździelenyja žorstka ad svaich zvyčajnych kalehaŭ.

Jany siadziać pobač, kantaktuć pa-za słužbaj, i hetaja kamunikacyja vypracoŭvaje novyja navyki, daje novy vopyt abodvum bakam, jaki budzie karysny i ŭ cyvilnym žyćci.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?