Abu Bakr al-Bahdadzi. Foto AP

Abu Bakr al-Bahdadzi. Foto AP

Važaki bajevikoŭ ekstremisckaj arhanizacyi «Isłamskaja dziaržava» u čaćvier prysiahnuli novamu «chalifu» paśla paćvierdžańnia viestki pra śmierć lidara bajevikoŭ viadomaha jak Abu Bakr Al-Bahdadzi. Pra heta paviedamiła irakskamu infarmahienctvu Waradana krynica ŭ horadzie Masuł.

«Jon byŭ paranieny niekalki dzion tamu padčas amierykanskaha avijaŭdaru, pamior na rukach svajho doktara ŭ siryjskim horadzie Raka, kudy jon byŭ dastaŭleny paśla ranieńnia», — paviedamiła krynica.

Prysiaha važakoŭ novamu «chalifu» adbyłasia ŭ vialikaj miačeci «Sadama» ŭ horadzie Talafar niedaloka ad Masuła.

U sacyjalnych sietkach i na sajtach irakskich ŚMI pišuć, što novym lidaram isłamistaŭ ID, jakija demanstrujuć biesprecedentnuju žorstkaść, staŭ Abdurachman Mustafa Al Šejchłar, jaki ŭziaŭ imia Abu Ala Al-Afry.

Al-Afry rodam z Talafara, pa adukacyi nastaŭnik fiziki, taksama vyvučaŭ bahasłoŭje i padpracoŭvaŭ taksistam na nievialikim mikraaŭtobusie.

Užo ŭ 90-ch hadach staŭ pieršym u Talafary prapaviednikam takfirysckaj i džychadysckaj ideałohii, jakuju prapaviedavaŭ tajemna, a časam adkryta ŭ vialikaj bazarnaj miačeci ŭ Talafary. U 2004 hodzie źbieh z rodnaha horada ad amierykanskich akupacyjnych ŭładaŭ i dałučyŭsia da Al-Kaidy. Jaho nazyvali staršynioj kansultacyjnaha savieta Al-Kaidy ŭ Iraku. Jak i jaho papiarednik, byŭ schopleny amierykancami, ale praź niekatory čas vypuščany na volu.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?