Ziemlatrus mahnitudaj 7,9, jaki adbyŭsia siońnia ranicaj, staŭ najmacniejšym u Niepale za 80 hadoŭ. Jon pryvioŭ da surjoznych razbureńniaŭ ŭ Katmandu i jaho vakolicach.

U stalicy Niepała ŭ vyniku ziemlatrusu razburanaja 62-mietrovaja ahladnaja vieža Dcharachara. Pad jaje abłomkami mohuć znachodzicca dziasiatki ludziej.

U stalicy Niepała ŭ vyniku ziemlatrusu razburanaja 62-mietrovaja ahladnaja vieža Dcharachara. Pad jaje abłomkami mohuć znachodzicca dziasiatki ludziej.

Dziasiatki damoŭ byli razburanyja, sotni — paškodžanyja, na darohach utvarylisia pravały. Paviedamlajecca ab prablemach z telefonnaj suviaźziu i elektrazabieśpiačeńniem.

Achviarami ziemlatrusu stali bolš za 1000 čałaviek. Dakładnaja kolkaść achviar udakładniajecca.

U balnicy Katmandu dastaŭlajuć dziasiatki paranienych. Miascovyja ŭłady adznačajuć, što mnostva ludziej mohuć znachodzicca pad zavałami. Užo viadoma, što dziasiatki ludziej apynulisia pad abłomkami razburanaj staražytnaj viežy ŭ stalicy krainy.

U krainach, što miažujuć ź Niepałam, padziemnyja šturški ad ziemlatrusu pryviali da hibieli 30 čałaviek, 20 ź ich zahinuli ŭ Indyi.

Pa słovach vidavočcaŭ, ziemlatrus u Niepale ŭsio jašče praciahvajecca. Za apošnija 3 hadziny adbyłosia bolš za 10 paŭtornych šturškoŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?