Premjer-ministr Biełarusi Andrej Kabiakoŭ miarkuje, što pieraaryjentacyja biełaruskaha ekspartu z rasijskaha rynku na inšyja kirunki pavinna ažyćciaŭlacca bolš dynamična. Pra heta kiraŭnik urada zajaviŭ siońnia na pasiadžeńni Savieta Ministraŭ pa pytańni ab vynikach źniešniaha handlu tavarami i dyviersifikacyi ekspartu za studzień — luty 2015 hoda, a taksama acency abjomaŭ ekspartu tavaraŭ za sakavik.

Premjer kanstatavaŭ, što makraekanamičnaja dynamika Biełarusi ŭ I kvartale hetaha hoda farmavałasia va ŭmovach zvužeńnia asnoŭnych ekspartnych rynkaŭ.

«Abjom biełaruskaha ekspartu pa tavarach i pasłuhach, pavodle dadzienych statystyki, skaraciŭsia ŭ studzieni-lutym na 22,7% u paraŭnańni z anałahičnym pieryjadam minułaha hoda», — adznačyŭ jon. «Z-za vysokaj kancentracyi ekspartu, jak pa tavarach, tak i rynkam, uzrastajuć źniešnija ryzyki dla stabilnaha raźvićcia nacyjanalnaj ekanomiki», — źviarnuŭ uvahu premjer-ministr.

U suviazi z hetym, padkreśliŭ jon, nieabchodna vypracavać rašeńni, nakiravanyja na vypraŭleńnie situacyi z ekspartam, jakaja skłałasia ŭ pieršyja miesiacy hetaha hoda.

«Niahledziačy na toje, što pa vynikach studzienia-lutaha ŭ źniešnim handli tavarami i pasłuhami dasiahnuta stanoŭčaje salda — $ 683,5 młn (što lepš za vynik anałahičnaha pieryjadu minułaha hoda i śviedčyć ab zbałansavanaści źniešniaha handlu),

adnak nie vykonvajecca važniejšy prahnozny paramietr — ekspart», - adznačyŭ kiraŭnik urada.

Pavodle jaho słoŭ, daviedzienyja ŭradam na 2015 hod pakazčyki, niahledziačy na prykładzienyja namahańni pa naroščvańni i dyviersifikacyi ekspartu, nie vykonvajucca absalutna ŭsimi halinami i rehijonami.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?