Prezident Ukrainy Piotr Parašenka zajaviŭ, što niekatoryja aliharchi sprabujuć destabilizavać situacyju va Ukrainie, u tym liku vykarystoŭvajučy prava hramadzian na pratest.

Pra heta jon zajaviŭ u intervju telekanału «Ukraina», jakoje vyjšła ŭ efir u piatnicu viečaram.

Pavodle jaho zajavy, šachciory majuć prava na pratest. «Adnak ci možam my dać mahčymaść vykarystoŭvać heta prava prajdziśvietam, «cituškam», jakija nijakaha dačynieńnia da šachciorskaj spravy nie majuć? Užo ŭstanoŭlenyja fakty razdačy hrošaj, jakija padryvajuć davier da hetych akcyjaŭ», — adznačyŭ Parašenka.

Jon skazaŭ, što pravam hramadzian karystajucca «niačystyja na ruku palitsiły i asobnyja aliharchi».

«Tyja z aliharchaŭ, chto źbirajecca cisnuć na ŭładu psieŭdazabastoŭkami, atrymajuć pa rukach», — skazaŭ Parašenka.

Jon taksama zajaviŭ, što daručyŭ pravaachoŭnikam pryciahnuć da adkaznaści tych, chto choča destabilizacyi ŭ krainie.

Jak viadoma, strajk šachcioraŭ i ich patrabavańnie zamianić ministra enierhietyki — heta častka płana pa abaronie intaresaŭ kampanij Rynata Achmietava na enierharynku.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?