MUS źmianiła instrukcyju ab paradku pryjomu ekzamienaŭ na prava kiravańnia miechaničnym transpartnym srodkam. U im prapisana, jak kursanty buduć zdavać na pravy.
Ekzamieny pravodziacca paśladoŭna: spačatku tearetyčny, zatym praktyčny. Tamu, chto zdaŭ teoryju, možna zdavać praktyku na praciahu nastupnych 6 miesiacaŭ. Kali nie paśpieŭ — teoryja pierazdajecca nanova.
Tearetyčny ekzamien — «kampjutar» — pavinien doŭžycca nie bolš za piatnaccać chvilin, a pa biletach na papiarovym nośbicie — nie bolš za tryccać chvilin. Acenku «zdaŭ» atrymlivaje toj, chto pamyliŭsia nie bolš za adzin raz. Toj, chto za limit času na ŭsie pytańni adkazać nie paśpieŭ, atrymlivaje acenku «nie zdaŭ».
Praktyčny ekzamien na vučebnym aŭtamabili prymajecca ŭ dva etapy: na aŭtadromie («placoŭka») i va ŭmovach realnaha darožnaha ruchu («horad»).
Pierazdavać luby z ekzamienaŭ možna nie adrazu - nie raniej, čym praz šeść dzion paśla apošniaj sproby. Kali nie zdali teoryju abo praktyku z treciaj i dalej sprobaŭ, pierazdavać možna tolki praz 30 dzion.
U horadzie dazvolili vykarystoŭvać GPS-navihatar: adpaviednaje rašeńnie prymajecca staršynioj ekzamienacyjnaj kamisii pa ŭzhadnieńni z ekzamienatarami. Tady ekzamienatar pierad pačatkam ispytu ŭnosić vyprabavalny maršrut u navihatar.
Apielacyju z hetaha času možna padavać tolki raz — paŭtornaja razhladu nie padlahaje.
Kali kursant ekzamieny zdaŭ, atrymaŭ ekzamienacyjnuju kartku, ale nie padaŭ jaje ŭ DAI dla atrymańnia paśviedčańnia kiroŭcy na praciahu troch hadoŭ, teoryju i praktyku pryjdziecca zdavać nanova.
Novaŭviadzieńni ŭstupajuć u siłu 26 krasavika.
