U Rasii ŭstupiła ŭ dziejańnie pryniataja Dziarždumaj amnistyja ŭ suviazi z 70-hodździem Pieramohi, jakaja zakranie 350-400 tys. čałaviek.
Tekst amnistyi ŭ piatnicu ŭviečary byŭ apublikavany na aficyjnym internet-partale pravavoj infarmacyi, paśla čaho pastanova ŭstupiła ŭ siłu.
Akramia tradycyjnaha śpisu asob, što zvyčajna traplajuć pad dziejańnie amnistyi (niepaŭnaletnija, žančyny, pažyłyja i invalidy), na hety raz na svabodu zmohuć vyjści ŭdzielniki bajavych dziejańniaŭ.
Adnak, jak zajavili ŭ kamitecie Dumy pa zakanadaŭstvie, amnistyja nie zakranie bratoŭ Navalnych, Jaŭhienii Vasiljevaj i fihurantaŭ tak zvanaj «bałotnaj spravy» — ab masavych biesparadkach na Bałotnaj płoščy.
Pa dadzienych FSVP Rasii, z 1994 hoda pastanovami Dziarždumy byli abvieščanyja 18 amnistyj, u vyniku ź miescaŭ pazbaŭleńnia voli vyjšli 306 tys. 169 čałaviek.
