Žančyna, jakaja atrymała ad kasirki abmieńnika pamyłkova lišnija $1625, viarnuła hrošy ŭ bank, paviedamlaje HUUS Minharvykankama.
16 krasavika minskaja milicyja raspaŭsiudziła infarmacyju pra toje, što ŭ Frunzienskaje RUUS stalicy źviarnułasia kasirka abmiennaha punkta ŭ adnoj z kramaŭ na vulicy Laščynskaha z prośbaj akazać dapamohu va ŭstanaŭleńni asoby nieviadomaj žančyny, jakoj jana pamyłkova vydała bujnuju hrašovuju sumu.
Žančyna kanviersavała 10 tysiač rasijskich rubloŭ na dalary ZŠA. Kasirka zamiest patrebnych $180,5 vydała klijentcy $1805. Žančyna zabrała hrošy i pajšła. U kancy pracoŭnaha dnia kasirka zaŭvažyła niastaču.
Paśla apublikavańnia ŭ srodkach masavaj infarmacyi i internecie infarmacyi nakont hetaha žančyna, jakaja atrymała lišnija hrošy, viarnuła ich u bank. Jana skazała, što, atrymaŭšy hrašovyja srodki, nie pieraličyła ich i pakłała ŭ sumku. Tolki praź niekalki dzion, ubačyŭšy siabie pa telebačańni, zaŭvažyła, što atrymanaja suma značna vyšejšaja za tuju, jakaja pavinna była być.
