Sprava na padstavie č. 2 art. 218 Kryminalnaha kodeksa (naŭmysnaje źniščeńnie abo paškodžańnie majomaści) raspačataja ŭ dačynieńni da žychara Minska, narkamana.

Jak paviedamlaje UUS Hrodzienskaha abłvykankama, u kancy sakavika ŭ adnoj ź viosak Astravieckaha rajona ŭščent zhareŭ niežyły pakinuty ŭ spadčynu dom, što naležaŭ žančynie, jakaja pastajanna žyvie za miežami krainy. Viarnuŭšysia ŭ Biełaruś i ŭbačyŭšy, što zdaryłasia, jana źviarnułasia ŭ milicyju z prośbaj ustanavić, dom zhareŭ sam ci jaho niechta padpaliŭ. 

Pavodle słoŭ načalnika kryminalnaha vyšuku Astravieckaha RAUS Andreja Baziuka, udałosia ŭstanavić, što žyllo spaliŭ staličny narkaman 1997 hoda naradžeńnia. Małady čałaviek skazaŭ, što na padpał jaho praź internet naniaŭ nieviadomy, paabiacaŭšy 600 dołaraŭ ZŠA. 

Vyśviatlajucca inšyja matyvy złačynstva, a taksama analizujucca inšyja viersii. Da momantu ŭstanaŭleńnia padazronaha apošni ŭžo byŭ źmieščany ŭ śledčy izalatar za ŭčynieńnie inšaha złačynstva.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?