U polski horad Hdańsk 7 maja pryjeduć prezidenty pa mienšaj miery 11 krain dla ŭdziełu ŭ mierapryjemstvach z nahody 70-hodździa zaviaršeńnia Druhoj suśvietnaj vajny.
Pra heta paviedamlaje polski telekanał Tvn24.
Razam z prezidentam Polščy Branisłavam Kamaroŭskim 7 maja na Viesterpłate ŭ Hdańsku buduć prysutničać prezidenty Ukrainy, Słavakii, Čechii, Litvy, Łatvii, Estonii, Vienhryi, Rumynii, Bałharyi, Charvatyi, Słavienii.
Akramia taho, jość mahčymaść pryjezdu prezidenta Francyi Fransua Alanda, a taksama kaho-niebudź z členaŭ karaleŭskaj siamji Vialikabrytanii. U administracyi polskaha prezidenta hetuju infarmacyju nie paćvierdzili, ale i nie abvierhli.
Asnoŭnyja mierapryjemstvy na Viesterpłate ŭ Hdańsku pačnucca apoŭnačy z 7 na 8 maja.
Jak viadoma, praktyčna ŭsie jeŭrapiejskija lidary admovilisia ad zaprašeńnia na parad u honar 70-hodździa Pieramohi. Prybyć u Maskvu na śviatkavańnie 9 Maja pahadzilisia staršynia KNR Si Czińpin, a taksama prezidenty Indyi, Paŭdniova-Afrykanskaj Respubliki, Manholii, Vjetnama, kiraŭniki KNDR i Kuby.
