Biełaruski nacyjanalny kinaprajekt atrymaje nazvu «Kod Kaina» («The Code of Cain») dla zamiežnaha prakatu, pieradaje BiełTA słovy hienieralnaha pradziusara kampanii Nonstop Media Siarhieja Ždanoviča.
U Biełarusi, Rasii, Ukrainie i Kazachstanie film zachavaŭ svaju druhuju nazvu — «My, braty».
Pa słovach Ždanoviča, film vyjdzie najpierš na postsavieckaj prastory ŭ vieraśni 2015 hoda, u amierykanski i jeŭrapiejski prakat trapić na paŭtara-dva tydni paźniej.
Raniej mierkavałasia vypuścić film u biełaruski prakat 18 krasavika.
***
Film «My, braty» — najbujniejšy prajekt biełaruskaj pryvatnaj kampanii. Biudžet stužki składaje 2 młn dalaraŭ.
Režysior filma — Uiljam de Vital, raniej viadomy parievažna jak kaskadzior i pastanoŭščyk trukaŭ. Hałoŭnyja roli vykanali Nataša Alem (amierykanskaja aktorka rodam z Taškienta, zorka časopisaŭ Playboy i Maxim), Jaŭhien Hmarłoŭski, Eryk Robierts, Seli Kiorkłand dy mnostva biełarukich i rasijskich aktoraŭ.
Film naradziŭ kryłatuju frazu «čto-to nie tak». Padčas zdymak u Minsku na płoščy Niezaležnaści, dzie imitavaŭsia šturm Domu Uradu, udzielnikam masoŭki zabaranili kryčać «Žyvie Biełaruś!» — pryjšłosia vydumlać novy łozunh.
Čytajcie taksama:
Siarhiej Ždanovič, pradziusar filma «Aviel»: Treba ž lubić svajo — biełaruskaje!
Ministr Śviatłoŭ: Lubyja manipulacyi ź filmam «My, braty» mahčymyja tolki z dazvołu dziaržavy