U Paŭnočnaj Karei źjavicca druhi kurort, raźličany na zamiežnych turystaŭ. Pra heta paviedamlaje «Centralnaje telehrafnaje ahienctva Karei». Śpiecyjalnaja zona adpačynku Mubon budzie stvoranaja niedaloka ad najvyšejšaj viaršyni krainy — hary Pektusan. Adpaviedny ŭkaz byŭ vypuščany Prezidyumam Viarchoŭnaha narodnaha schodu KNDR.

Turystyčnaja zona la hary Kymhansan. Fota: Goh Chai Hin / AFP

Turystyčnaja zona la hary Kymhansan. Fota: Goh Chai Hin / AFP

Jak adznačaje paŭdniovakarejskaje ahienctva «Renchap», ekśpierty tłumačać stvareńnie novaj turystyčnaj zony ŭ KNDR žadańniem uładaŭ pryciahnuć u krainu zamiežnuju valutu.

Pieršaja zona adpačynku dla zamiežnikaŭ u krainie była adkrytaja kala hary Kymhansan ŭ 1998 hodzie. U 2008 Paŭdniovaja Kareja zabaraniła svaim hramadzianam pajezdki na kurort. Heta adbyłosia paśla taho, jak paŭnočnakarejski sałdat zastreliŭ adnu z turystak, jakaja, špacyrujučy pa plažy, zajšła ŭ zabaronienuju zonu.

U pačatku lutaha ŭłady Kitaja prapanavali stvaryć na miažy z KNDR i Rasijaj turystyčnuju zonu. Jana zojmie płošču 10 kvadratnych kiłamietraŭ na terytoryi kožnaj z krain.

Patencyjna aktyŭny vułkan Pektusan znachodzicca na miažy KNDR z Kitajem. Hara, vyšynia jakoj składaje 2774 mietra, ličycca najvyšejšym punktam Mańčžura-Karejskich hor. U 1979 hodzie na joj byŭ stvorany mižnarodny bijaśfierny zapaviednik.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?