U Viciebsku raspačata kryminalnaja sprava ŭ dačynieńni da troch mužčyn, jakija padazrajucca ŭ vykradańni čałavieka.

Jak paviedamiła aficyjny pradstaŭnik upraŭleńnia Śledčaha kamiteta pa Viciebskaj vobłaści Ina Harbačova, ustanoŭlena, što padazravanyja ŭvajšli ŭ złačynnuju zmovu, nakiravanuju na vykradańnie 20-hadovaha indyvidualnaha pradprymalnika z metaj atrymańnia ad jaho $1000 štomiesiac. 

U kancy studzienia hetaha hoda padazravanyja, znachodziačysia ŭ padjeździe doma paciarpiełaha, dačakalisia apošniaha, z prymianieńniem fizičnaj siły nadzieli naručniki, prymusili sieści ŭ aŭtamabil i advieźli ŭ lasny masiŭ. Tam pryviazali paciarpiełaha da farkopa aŭtamabila i patrabavali štomiesiac pieradavać im hrošy. U vypadku niazhody mužčyny pahražali katavańniami i fizičnaj raspravaj.

Atrymaŭšy vymušanuju zhodu na štomiesiačnuju pieradaču hrošaj, padazravanyja adpuścili paciarpiełaha. Toj źviarnuŭsia ŭ milicyju. 

U vyniku kompleksu apieratyŭna-vyšukovych mierapryjemstvaŭ, praviedzienych supracoŭnikami hałoŭnaha ŭpraŭleńnia pa baraćbie z arhanizavanaj złačynnaściu i karupcyjaj MUS, padazravanyja byli zatrymanyja. 

Viciebskim haradskim adździełam SK raspačata sprava ŭ dačynieńni da troch žycharoŭ abłasnoha centra, jakija padazrajucca va ŭčynieńni złačynstva, praduhledžanaha č. 2 art. 182 KK (vykradańnie čałavieka, učynienaje hrupaj asob pa papiaredniaj zmovie). 

Ciapier śledčymi vyvučajucca ŭsie abstaviny zdareńnia, ustanaŭlivajecca rola kožnaha padazravanaha va ŭčynieńni złačynstva, pa kryminalnaj spravie praviedzieny dopyty, vobyski i vočnyja staŭki. Padazravanyja dajuć pakazańni.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?