Piłot, jaki kiravaŭ samalotam kampanii Germanwings ŭ momant krušeńnia łajniera ŭ francuzskich Alpach, byŭ chvory i chavaŭ svoj stan ad pracadaŭcaŭ i praviarajučych orhanaŭ. Pra heta zajavili niamieckija prakurory paśla vyvučeńnia dakumientaŭ, kanfiskavanych pry vobšuku ŭ jaho domie ŭ pradmieści Dziusieldorfa.
Niamieckija ŚMI paviedamlali, što Andreas Lubic pakutavaŭ ad depresii.
U prakuratury Dziusieldorfa paviedamili, što pry vobšuku ŭ domie Lubica znojdzienyja razarvanyja na šmatki balničnyja listy, zhodna ź jakimi jon nie moh vychodzić na pracu pa stanie zdaroŭja. Adzin ź ich datavany litaralna dniom krušeńnia samalota.
Jak piša hazieta Bild, u 2009 hodzie Lubicu dyjahnastavali depresiju, paśla čaho jon na praciahu 1,5 hadoŭ prachodziŭ lačeńnie. Heta adbyłosia paśla taho, jak jon skončyŭ navučańnie prafiesii piłota. Bild cytuje ŭnutranyja dakumienty, zhodna ź jakimi Lubic pavinien byŭ prachodzić rehularnyja pravierki psichałahičnaha stanu.
Na dumku avijacyjnaha psichijatra Robierta Bora, sudzić pra toje, jakija prablemy pieražyvaŭ Lubic, možna budzie pa śladach jaho asabistaha žyćcia. Jak stała viadoma brytanskamu vydańniu Daily Mail, za niekalki tydniaŭ da trahiedyi Lubic kupiŭ dva aŭtamabila Audi, adzin ź jakich jon źbiraŭsia padaryć svajoj dziaŭčynie. Adnak para pieražyvała ciažki pieryjad u adnosinach i, pa paviedamleńniach ŚMI, mahła rasstacca, niahledziačy na padarunak.
