Avijakampanija «Biełavija» zajaviła pra mahčymaje spynieńnie palotaŭ u Kijeŭ z 29 sakavika, kali budzie ŭviedzieny ŭ dziejańnie letni raskład.
«Pa stanie na 17.00 27 sakavika 2015 hoda avijakampanija «Biełavija» nie atrymała dazvołu ad avijacyjnych uładaŭ Ukrainy na vykanańnie rehularnych rejsaŭ pa maršrucie Minsk — Kijeŭ — Minsk, — havorycca ŭ paviedamleńni pieravozčyka. — «Biełavija» ŭ poŭnaj adpaviednaści z pahadnieńniem pamiž uradam Respubliki Biełaruś i ŭradam Ukrainy ab pavietranym ruchu, padpisanym 17.07.1995 u Minsku, vykonvaje na praciahu mnohich hadoŭ paloty pa maršrucie Minsk — Kijeŭ — Minsk. Napiaredadni siezona IATA «Leta-2015» (pačynajecca 29.03.2015) avijakampanija nakiravała zapyty na dazvoł palotaŭ u Dziaržavijasłužbu Ukrainy. Adkazu niama. Biełaruskija avijacyjnyja ŭłady vydali dazvoł na paloty «Mižnarodnym avijalinijam Ukrainy».
«Mahčymaje poŭnaje spynieńnie palotaŭ pamiž Biełaruśsiu i Ukrainaj z 29.03.2015. Adkaznaść lažyć na ŭkrainskim baku», — zaznačajecca ŭ pres-relizie «Biełavija».
Aficyjnaj reakcyi ŭkrainskaha boku pakul niama.
