Biełaruskaja kampanija «ITC-M» pradstaviła liniejku Android-płanšetaŭ Flycat, paviedamlaje Onliner.by.
Płanšety pracujuć na čypie MTK 8382 z 4-jadziernym pracesaram, majuć 1 Hb apieratyŭnaj i 16 Hb unutranaj pamiaci, padtrymlivajuć kartki pamiaci MicroSD i majuć dva słoty dla sim-kartak.
U liniejku ŭvachodziać płanšety Flycat Unicum 7, 8 i 10. Rekamiendavanaja cana pieršych dvuch — kala 200 dalaraŭ, treciaha — kala 225 dalaraŭ.
Miž saboj płanšety adroźnivajucca dyjahanalami dyspłejaŭ — 7, 8 i 10 calaŭ. Razroźnieńnie ekranaŭ usich troch madelaŭ — 1280ch800 piksielaŭ. Płanšety ŭ zaležnaści ad dyjahanali ekranu majuć batarei na adpaviedna 3, 4 i 7 ampier-hadzin.
***
Pradukcyja Flycat nie jość pieršymi płanšetami pad biełaruskim brendam. Na vystavie TIBO-2012 kampanija Horizont pradstaviła ŭłasnuju liniejku brendavanych płanšetaŭ kitajskaj vytvorčaści, ale da prodažu jany nie dajšli. Tym časam biełaruskaja kampanija Snami pradaje Android-smartfon Snami M380 i šerah zvyčajnych telefonaŭ pad ułasnym brendam.
