Kitajskaja kampanija CITIC ConstructionCo. Ltd pradastavić Ukrainie pazyku ŭ pamiery $15 młrd na budaŭnictva dastupnaha žylla.
Miemarandum padpisali ŭ čaćvier u Kijevie upaŭnavažany kiraŭnika Minrehijona Ukrainy i ŭpaŭnavažany CITIC ConstructionCo. Ltd, paviedamili ŭ Ministerstvie rehijanalnaha raźvićcia, budaŭnictva i ŽKH.
Kredyt dajecca pad minimalnyja pracenty, terminam na piatnaccać hadoŭ z pravam prałanhacyi. U ministerstvie dadali, što va Ukrainie budzie realizavany piłotny prajekt inviestycyjnym koštam da $1 młrd.
Kampanija CITIC budzie razhladacca jak hienieralny padradčyk — zakazčyk pa realizacyi prajektaŭ, Minrehijon budzie zajmacca padrychtoŭkaj i realizacyjaj prajektaŭ.
Miemarandum praduhledžvaje raźvićcio dziaržaŭnaj žyllovaj palityki, budaŭnictva dastupnaha žylla, farmiravańnie fondu sacyjalnaha žylla, razhortvańnie moładzievaha žyllovaha budaŭnictva, kredytavańnie indyvidualnych sielskich zabudoŭščykaŭ, realizacyju infrastrukturnych prajektaŭ.
Na siońniašni dzień u kvaternaj čarzie aficyjna znachodziacca bolš za 800 tysiač ukrainskich siemjaŭ. Dla vyrašeńnia hetaj prablemy ciapierašnimi rynkavymi instrumientami dziaržavie treba bolš za 100 hadoŭ, kanstatavali ŭ Minrehijonie.
CITIC ConstructionCo. Ltd. — daččynaja kampanija Kitajskaj dziaržaŭnaj mižnarodnaj trastavaj inviestycyjnaj karparacyi CITIC Limited. Kampanija maje paŭnamoctvy vykonvać padrady na budaŭničyja prajekty za miežami Kitaja.