Biełaruskaja kalijnaja kampanija pieršaj siarod suśvietnych vytvorcaŭ zaklučyła kantrakt na pastaŭku kaliju z kitajskimi spažyŭcami, paviedamiła biełaruskaja kampanija. U minułym hodzie cana składała $305 za tonu, sioleta budzie $315.

«Adsutnaść kitajskaha kantrakta niehatyŭna ŭpłyvała na kalijny rynak u cełym i akazvała cisk na rynkavuju kanjunkturu ŭ inšych rehijonach. Padpisańnie kantrakta paźniej za sakavik było b hibielnym dla rynku», — havorycca ŭ zajavie hiendyrektara BKK Aleny Kudraviec. Dasiahnutaje pahadnieńnie «pasłužyć pazityŭnym sihnałam dla kalijnaha rynku» i «nadaść stabilnaści i ŭpeŭnienaści ŭsim udzielnikam», — kaža top-mieniedžar biełaruskaj kampanii.

Cana na inšych rynkach tradycyjna vyličvajecca ŭ zaležnaści ad kitajskaj. 

Pieramovy z kitajskimi pakupnikami viali taksama «Urałkalij» i kanadskaja Canpotex, paviedamlaje rasijskaja hazieta «Viedomosti». Ale «Biełaruśkalij» pierabieh darohu pieramovam, paviedamlali analityki. Były partnior rasijskaj kampanii praciahvaŭ pastaŭlać uhnajeńni pa staroj canie $ 305, tady jak tradycyjna napiaredadni zaklučeńnia novaha hadavoha kantrakta vytvorcy spyniali pastaŭki, kab umacavać pieramoŭnyja pazicyi, havaryłasia ŭ ahladzie Raiffeisenbank. 

Sioleta suśvietny popyt na kalij moža skłaści kala 60 młn t. «Biełaruśkalij» zdabyvaje štohod 10—10,5 młn t.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?