Hrupoŭka «Isłamskaja dziaržava» ŭziała na siabie adkaznaść za napad na muziej Bardo ŭ Tunisie. Achviarami teraktu stali 23 čałavieki, amal usie jany — zamiežnyja turysty.

Niekalki dziesiatkaŭ čałaviek byli paranienyja.

U zajavie džychadzistaŭ napad na muziej Bardo nazyvajecca «błahasłaŭlonym uvarvańniem u łohava niaviernych u musulmanskim Tunisie».

Zajava ID źjaviłasia na forumie ŭ internecie, dzie hrupoŭka zvyčajna publikuje svaje paviedamleńni. Isłamisty taksama paabiacali praciahnuć vyłazki.

Tym časam ułady Tunisa abviaścili ab aryšcie dzieviaci čałaviek u suviazi z napadam na muziej, zajaviła administracyja prezidenta Tunisa. U zajavie śćviardžajecca, što čaćviora aryštavanych niepasredna źviazany z napadam, a piać čałaviek byli źviazanyja z hetaj jačejkaj.

Ułady taksama abviaścili ab raźmiaščeńni vajennych patruloŭ u hałoŭnych haradach krainy.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?