Ruch «Za Svabodu» zaklikaje ŭdzielnikaŭ tradycyjnaj akcyi z nahody Dnia voli brać na 25 sakavika na pracy adhuły, paviedamlaje pres-słužba arhanizacyi.

Jak paviedamlałasia, Minharvykankam dazvoliŭ praviadzieńnie akcyi 25 sakavika, adnak skarektavaŭ čas jaje praviadzieńnia. Pieršapačatkova mierapryjemstva płanavałasia z 17.00 da 20.00, adnak ułady dazvolili pravieści zbor udzielnikaŭ akcyi z 15.00 da 16.00 kala kinateatra «Kastryčnik», šeście da płoščy Banhałor z 16.00 da 17.00, mitynh u parku Družby Narodaŭ da 18.00. Svajo rašeńnie čynoŭniki abhruntavali šmatlikimi skarhami minułych hadoŭ i hetaha hoda ab tym, što šeście ŭ hadzinu pik stvaraje šmat niazručnaściaŭ.

Rašeńnie minskich čynoŭnikaŭ u ruchu «Za Svabodu» nazyvajuć «ździeklivym», tamu što šeście i mitynh projduć u rabočyja hadziny.

«Nie było b prablem, kali b Dzień Voli, jak naležyć, byŭ dziaržaŭnym śviatam, — zajaŭlajuć u ruchu. — Ale ŭ vyniku patryjotaŭ i svabodnych hramadzian Biełarusi — patencyjalnych udzielnikaŭ akcyi — chočuć vystavić darmajedami, jakija zamiest pracy mitynhujuć».

Ruch «Za Svabodu» zaklikaje ŭłady zrabić ciapierašniaje 25 sakavika vychadnym dniom. «My ŭpeŭnienyja, što tysiačy biełarusaŭ hatovy adpracavać uzamien adnu z subot. U advarotnym vypadku my zaklikajem biełarusaŭ masava brać adhuły na pracy i ŭsio roŭna sabracca razam u centry stalicy, kab adśviatkavać Dzień Voli», — zajaŭlajuć u arhanizacyi.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?