Pa materyjałach pravierki padraździaleńniaŭ pa baraćbie z ekanamičnymi złačynstvami HUUS i Leninskaha RUUS Minska pa padazreńni ŭ kradziažach šlacham złoŭžyvańnia słužbovym stanoviščam raspačata kryminalnaja sprava ŭ dačynieńni da byłoha kiraŭnika vydaviectva Biełaruskaha ekzarchata, jakoje źjaŭlajecca strukturnym padraździaleńniem Biełaruskaj pravasłaŭnaj carkvy. 

Jak paviedamlaje ŭpraŭleńnie BEZ HUUS, ustanoŭlena, što były 55-hadovy kiraŭnik, złoŭžyvajučy słužbovymi paŭnamoctvami, arhanizavaŭ kradziež hrašovych srodkaŭ u padnačalenaha vydaviectva. Jon naŭmysna addavaŭ niezakonnyja rasparadžeńni padnačalenym rabotnikam ab štomiesiačnym źniščeńni dakumientaŭ piarvičnaha ŭliku tavarna-materyjalnych kaštoŭnaściaŭ i hrašovych srodkaŭ, a taksama niezakonna zabiraŭ z kasy pradpryjemstva najaŭnyja hrašovyja srodki. Dalej hrošy fihurant vykarystaŭ dla nabyćcia za miažoj hruzavoha i lehkavoha aŭtatranspartu.

Pa sabranych materyjałach ustanoŭlena, što hetaja dziejnaść mieła miesca na praciahu niekalkich hadoŭ — z 2005 pa 2014 hady. Uvohule razmova idzie pra 14 adzinak techniki na ahulnuju sumu bolšuju za 150 tys. dołaraŭ ZŠA. Aŭtamabili afarmlalisia abo niepasredna na ciapierašniaha padazronaha, abo na jaho svajakoŭ. 

Supracoŭniki BEZ praciahvajuć raźbiracca ŭ niuansach haspadarčaj dziejnaści padazronaha.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?