Na 35 žycharoŭ Nahara na vostravie Sikoku prychodzicca 150 lalek, raspaviadaje Reuters.

Prablema vymirańnia viosak vostra staić pierad Japonijaj: nasielnictva krainy stareje, a moładź pakidaje vioski dziela žyćcia ŭ horadzie. U Nahara vyrašyli prablemu radykalna: zamianili častku žycharoŭ na pudziły.

Lalek z tkaniny, dreva i haziet robić 65-hadovaja Cukimi Ajana. Z 13 hod jana rabiła pudziły sa zvyčajnym pryznačeńniem — kab adpužvać ptušak. Ale ź ciaham času jana zachapiłasia stvareńniem piersanažaŭ. Mnohija pudziły stvoranyja «pa matyvach» ludziej, jakich Ajana viedała asabista.

Stvoranyja joj lalki «vučacca» ŭ škole, čakajuć aŭtobus na prypynku albo prosta siadziać u zvykłych i niazvykłych miescach.

Žycharam Nahara inicyjatyva Ajana padabajecca. Časam jany prosiać žančynu zrabić lalku, padobnuju da ich pamierłych rodzičaŭ ci dziaciej, jakija źjechali ŭ horad.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?