Zarpłatami najbolš upłyvovych suśvietnych lidaraŭ zacikaviŭsia Business Insider.

Samym bahatym staŭ Li Siańłun, premjer-ministr Sinhapura. Jaho hadavaja zarpłata skłała 1,7 młn dalaraŭ, albo bolš za dva miljardy biełaruskich rubloŭ na miesiac.

Inšyja ŭpłyvovyja lidary značna adstajuć ad Siańłuna. 400 tysiač dalaraŭ na hod maje Barak Abama, 243,4 tysiačy — Anhieła Mierkiel, 136 tysiač — Uładzimir Pucin. Ad Pucina adstajuć kiraŭniki Italii i Brazilii — adpaviedna 124,6 i 120 tysiač dalaraŭ na hod. Zamykaje śpis Narendra Modzi, premjer-ministr Indyi, sa ścipłymi 30 tysiačami dalaraŭ na hod (siaredniestatystyčny biełaruski IT-šnik maje dźvie traciny taho).

***

Dla paraŭnańnia možna pryvieści i źviestki pra kiraŭnika Biełarusi. Pa słovach Alaksandra Łukašenki, na studzień 2014 hoda (bolš śviežych źviestak niama) jaho zarpłata była ŭ try razy mienšaj za 92 miljony rubloŭ na miesiac. Takim čynam, pa kursie na studzień 2014 hoda jon mieŭ 3195 dalaraŭ na miesiac, albo 38,3 tysiač dalaraŭ na hod. To značyć, vyšej za kiraŭnika Indyi, ale ŭ 3,5 razy mienš za Uładzimira Pucina.

Darečy, Łukašenka kaža, što pałovu svajoj zarpłaty pieraličvaje na rachunak małodšaha syna. Što zastajecca — zachoŭvaje ŭ zaharadnaj rezidencyi. Ale šmat nie naźbiraŭ: «Mo 50 miljonaŭ u toj šufladcy lažyć».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?