Kala dziesiaci hod tamu biudžetnaja avijakampanija Ryanair ahučyła ideju transatłantyčnych pieralotaŭ, jakija abyducca pasažyru ŭ $10. Niahledziačy na toje, što kvitki ŭ miežach Jeŭropy ŭ łaŭkostara pačynajucca z $4, heta ŭsio adno hučała jak rekłamny krok, jakomu nie nakanavana ažyćciavicca.

fota Julii Balcevič

fota Julii Balcevič

Ale ŭ hety paniadziełak u dublinskim ofisie avijakampanii paćvierdzili, što płany na pieraloty za akijan nie prosta isnujuć, a buduć realizavanyja da kanca dziesiacihodździa. Pasažyram buduć prapanavanyja rejsy z 10—12 jeŭrapiejskich haradoŭ u takuju ž kolkaść amierykanskich.

Čakajecca, što asnoŭny puł kvitkoŭ budzie pradavacca pa canie $99-145 u adzin bok. Vierahodna, što niekatoryja ščaśliŭčyki zmohuć pieraadoleć akijan i za fantastyčnyja $15. Ciapier asnoŭnaja masa jeŭrapiejskich i amierykanskich pieravozčykaŭ prapanuje anałahičnyja pieraloty za $400—700.

U płanach irłandskaj kampanii admovicca ad svajoj tradycyjnaj adnakłasavaj sistemy: dla transatłantyčnych pieralotaŭ buduć dastupnyja kvitki ŭ biźnies-kłasie.

Na dadzieny momant nieviadoma, na jakich samalotach buduć ažyćciaŭlacca pieraloty. Havorka idzie pra mahčymaść nabyćcia novych ekanomnych šyrokafiuzielažnych Boeing 787 Dreamliner albo Airbus 350.

Varta adznačyć, što za apošnija dva hady jašče niekalki kampanij pačali prapanoŭvać biudžetnyja pieraloty ź Jeŭropy ŭ Amieryku.

Norwegian Air Shuttle pačaŭ rabić transatłantyčnyja rejsy ŭ 2013 hodzie, i ŭ ciapierašni čas možna nabyć kvitki sa źnižkaj da paŭtuzina amierykanskich haradoŭ, uklučajučy Ńju-Jork i Łos-Andželes, ź jeŭrapiejskich baz u Kapienhahienie, Stakholmie i aeraporta Hatvik, niedaloka ad Łondana, z cenami ŭ adzin bok pa košcie ad $244.

U hetym miesiacy Lufthansa, niamiecki fłahman, ahučyŭ svaje płany prapanavać u kastryčniku puł tannych kvitkoŭ ź niamieckaha Kiolna da papularnych turystyčnych punktaŭ na Kubie i ŭ Daminikanskaj Respublicy. Ceny ŭ adzin bok buduć pačynacca sa $100.

WestJet z Kanady prapanuje rejsy pamiž Taronta i Dublinam pa košcie $261 u adzin bok, a isłandski WOW lataje z Rejkjavika ŭ Bostan za $99, plus $72, kab dalacieć na vyspu z Łondana.

***

Ryanair — najbujniejšaja ŭ śviecie biudžetnaja avijakampanija. Jany prapanujuć tannyja kvitki i minimalnuju kolkaść biaspłatnych servisaŭ. U minułym hodzie było pieravieziena bolš za 80 miljonaŭ pasažyraŭ (dla paraŭnańnia, «Biełavija» absłužyła krychu mienš za 2 młn čałaviek).

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?