Ustaŭny kapitał Google Lithuania skłaŭ 100 tysiač jeŭra, paviedamlaje Invest Lithuania.

Novuju kampaniju ŭznačaliŭ Hrecham Ło, finansavy dyrektar Google u Jeŭropie. Ofis zajmiecca markietynham i prodažami ŭ metach padtrymki partnioraŭ Google ŭ Bałtyi.

Litva maje raźvituju IT-infrastrukturu i pryvablaje mnostva mižnarodnych kampanij. Siarod novych žycharoŭ Litvy Nasdaq, Uber, Game Insight i inšyja.

«Treba zaŭvažyć, što ludzi, jakija pracujuć dla bałtyjskaj kamandy, nie abmiežavanyja tolki tymi, chto fizična znachodzicca ŭ Litvie — u nas šmat supracoŭnikaŭ pa ŭsim śviecie, jakija pracujuć z bałtyjskimi klijentami i partniorami, jakija łakalizujuć pradukty i padtrymlivajuć raspracoŭku», — padkreśliŭ Vitaŭtas Kubilus, mieniedžar raźvićcia biźniesu Google u krainach Bałtyi.

U źjaŭleńni ofisa Google pabačyŭ pazityŭny palityčny momant ekanamist Vincentas Vabalavičus. «Čym bolš u nas Google i inšych bujnych karparacyj, tym my važniej. Heta vielmi paśpiachovy krok, pakolki heta vialikaja karparacyja, i mnohija krainy chočuć pryvabić jaje. Heta i ekanamičnyja plusy, ale nie mienš važnyja i palityčnyja plusy, plusy biaśpieki», — zajaviŭ jon u efiry radyjo Žinių radijas.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?