Kancler FRH Anhieła Mierkiel zajaviła ŭ Bierlinie, što Hiermanija i jaje sajuźniki nie supakojacca da taho času, pakul Krym nie budzie viernuty Ukrainie.
«Siońnia — dzień, kali my pavinny pamiatać ab niezakonnaj anieksii Kryma. My nie pavinny zabyvać, što hety akt pastaviŭ pad pahrozu paślavajenny paradak u Jeŭropie. My nie supakoimsia da taho času, pakul nie buduć całkam adnoŭleny suvierenitet i terytaryjalnaja cełasnaść Ukrainy», — skazała Anhieła Mierkiel, vystupajučy pierad presaj paśla sustrečy z prezidentam Ukrainy Piatrom Parašenkam.
Piatro Parašenka, sa svajho boku, zajaviŭ paśla hetaj sustrečy, što na samicie, jaki projdzie 19 sakavika, jon čakaje ad jeŭrapiejskich lidaraŭ jasnaj pazicyi adnosna sankcyj u dačynieńni da Rasii.
Pavodle jaho pierakanańnia, u dačynieńni da Maskvy pavinny być uviedzienyja dalejšyja sankcyi, kali ź jaje boku nie buduć vykananyja ŭmovy minskaha pahadnieńnia.
«Kali damoŭlenaści nie buduć vykananyja, ja vielmi spadziajusia, što 19-ha čysła na samicie budzie zajaŭlena z usioj jasnaściu, što sankcyi buduć praciahnutyja i buduć bolš žorstkimi», — zajaviŭ u Bierlinie Parašenka.
