Ukrainskaja lotčyca, deputat Viarchoŭnaj Rady Nadzieja Saŭčanka, jakaja niezakonna ŭtrymlivajecca ŭ maskoŭskim SIZA, adnaviła haładoŭku.
Reuters
Pra heta zajaviŭ 16 sakavika kiraŭnik kamisii pa biaśpiecy Hramadskaj pałaty RF, staršynia staličnaj Hramadskaj naziralnaj kamisii Anton Cviatkoŭ.
«Pa maich dadzienych, jak ja i mierkavaŭ, Nadzieja Saŭčanka siońnia zajaviła ab adnaŭleńni haładoŭki», — skazaŭ Cviatkoŭ.
Jon nie ŭdakładniŭ padrabiaznaściaŭ hetaj situacyi.
Paźniej infarmacyju pacvierdzili advakaty Saŭčanki i apublikavali zvarot ukrainki.
Jak viadoma, raniej ukrainskija daktary, jakija ahledzieli Saŭčanku 14 sakavika, na bryfinhu ŭ paniadziełak paviedamili, što jana pastupova vychodzić z haładoŭki, a jaje stan — adnosna narmalny.
Pa słovach zahadčycy kafiedry nieŭrałohii univiersiteta Bahamolca Łarysy Sakałovaj, Saŭčanka vielmi dobra trymajecca, ale maje patrebu ŭ psichałahičnaj padtrymcy.
«Na žal, jana nie padpisała aficyjnuju admovu ad haładoŭki, tamu my nie viedajem, što budzie dalej», — dadała śpiecyjalist.
