Namieśnik staršyni Lidskaha rajvykankama zatrymany z dokazami złačynstva pry atrymańni chabaru, paviedamili ŭ Hrodzienskaj abłasnoj prakuratury.
Dvuch čynoŭnikaŭ zatrymali prosta na vulicy. Paviedamlajecca, što zatrymanym akazaŭsia namieśnik staršyni Lidskaha rajvykankama, jaki kuryruje pytańni ideałohii, maładziožnaj palityki, druku i ŚMI, kultury, sportu i turyzmu i inšyja. Razam ź im zatrymany taksama staršynia Traćciakoŭskaha sielsavieta.
Słužbovych asob padazrajuć u atrymańni chabaru za sadziejničańnie ŭ atrymańni biaspłatnych viz inšym asobam.
Ustanoŭlena, što jany ŭklučali ŭ śpisy na atrymańnie biaspłatnych viz dla spartyŭnych kamand i narodnych kalektyvaŭ ludziej, jakija nie majuć da sportu i muzyki nijakaha dačynieńnia.
Paviedamlajecca, što ŭ miežach kryminalnaj spravy fihurujuć niekalki dziasiatkaŭ psieŭdaspartsmienaŭ i psieŭdamuzykantaŭ, usie jany atrymali biaspłatnyja vizy dla ŭdziełu ŭ spartyŭnych spabornictvach i muzyčnych fiestyvalach.
