Źbirajucca srodki na pieravydańnie knihi ŭspaminaŭ Vasila Stomy «Majo miastečka»

Aŭtar naradziŭsia ŭ Łužkach byłoha Dzisienskaha pavieta (siońnia Šarkaŭščynski rajon Viciebskaj vobłaści), u časie Druhoj suśvietnaj pracavaŭ u biełaruskaj administracyi, a paśla razam z maci i siastroj praź Niamieččynu apynuŭsia ŭ ZŠA. Zvyčajny los emihranta, jakich dziasiatki i navat sotni tysiačaŭ asieli ŭ druhoj pałovie XX st. na Zachadzie. Vasil Stoma byŭ adnym z zasnavalnikaŭ adździeła Biełaruska-Amierykanskaha zadzinočańnia ŭ Ńju-Džersi, siabram Rady BNR, parafijaninam carkvy Žyrovickaj Božaj Maci, vykładčykam u biełaruskaj subotniaj škołcy.

U volny ad pracy ŭ šavieckaj majsterni čas Vasil Stoma zhadvaŭ pra abrady j zvyčai Dzisienščyny, składaŭ słoŭničak tamtejšaha dyjalektu, a taksama pisaŭ uspaminy. Asnoŭny źmiest apošnich składaje apovied pra dziacinstva j junactva, što prajšli ŭ Łužkach, a dakładniej pra samo miastečka, vulicy, budynki, nasielnictva. Kałarytnyja charaktary zvyčajnych žycharoŭ, z humaram padadzienyja padziei štodzionnaha žyćcia.

Pradstaŭlenyja Stomam Łužki — miastečka, dzie naradziŭsia stvaralnik iŭrytu Eliezer Bien-Jehuda. Siarod zhadanych va ŭspaminach jość a. Jazep Hermanovič, viadomy doktar Usievaład Šyran, śviatar Ivan Kušnier, žonka Stanisłava Bułak-Bałachoviča.

Vydadzienyja ŭspaminy majuć jak aŭtarskija, hetak i redakcyjnyja kamientary. Akramia taho ŭ knizie źmieščanyja nievialikija zhadki pra aŭtara, zapisanyja ŭ časie interviju ź biełaruskimi rodzičami Vasila Stomy. Dadatkam — zdymki ź siamiejnaha archivu, a taksama vyjavy sučasnaha vyhladu Łužkaŭ, tych budynkaŭ, pra jakija idzie apovied.

Bolš padrabiaznuju infarmacyju pra pieravydańnie hladzicie tut

Клас
0
Панылы сорам
0
Ха-ха
0
Ого
0
Сумна
0
Абуральна
0