Jak paviedamlaje RHA «Pierśpiektyva», sustreča pradprymalnikaŭ z Alaksandram Łukašenkam adbudziecca 17 sakavika ŭ handlova-zabaŭlalnym centry «Ekspabieł». Pradprymalnikaŭ prasili pryjści na svaje pracoŭnyja miescy ŭ 7 hadzin ranicy.

Sustreča płanujecca na pieršym paviersie krytaha centra. «Pierśpiektyvu» nie zaprašajuć, paviedamlajecca na sajcie hramadskaha abjadnańnia. 

Pry hetym u «Pierśpiektyvie» adznačajuć, što «ŭsio idzie pa punktach rezalucyi Forumu pradprymalnikaŭ, jaki prajšoŭ u Minsku 16 lutaha 2015 hoda». Adnym z punktaŭ była i sustreča z kiraŭnikom dziaržavy. 

«RHA «Pierśpiektyva» spadziajecca, što Łukašenka prymie dakładnaje i abdumanaje rašeńnie, bieź śpieški. Situacyja ŭ ekanomicy mianiajecca tak imkliva, što ŭžo ciapierašnija padatki płacić ciažka, nie kažučy ŭžo pra novyja. Sočym za padziejami. Sa svajho boku, chočam skazać, što rychtujecca čarhovy Forum pradprymalnikaŭ viasnoj 2015 hoda, prablemy siertyfikataŭ, padatkaŭ, kanfiskacyj nie vyrašanyja pa-raniejšamu. Nam jość pra što havaryć. Budziem razam», — havorycca na sajcie RHA. 

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?