zarulem.ru

zarulem.ru

Pavodle źviestak vydańnia, na minułym tydni ŭ Maskvie prajšła sustreča biełaruskaj delehacyi ź ministram enierhietyki Alaksandram Novakam i vice-premjeram Arkadziem Dvarkovičam. U składzie biełaruskaj delehacyi byŭ vice-premjer krainy Uładzimir Siamaška.

Na sustrečy abmiarkoŭvalisia padpisanyja pamiž Rasijaj i Biełaruśsiu damoŭlenaści ŭ ramkach stvareńnia ŭ 2015 hodzie Jeŭrazijskaha ekanamičnaha sajuza. Zhodna ź im, Rasija pastaŭlaje ŭ Biełaruś naftu pa ŭnutranych cenach, a taja ŭ adkaz zajmajecca pastaŭkaj naftapraduktaŭ.

Adnak Minsk, piša vydańnie, vyrašyŭ pastaŭlać bienzin u inšyja krainy z-za devalvacyi rasijskaha rubla.

Ceny na naftapradukty ŭ Rasii stali nižej za ekspartny parytet (ekspartnaja cana minus pošlina i transpartnyja vydatki).

Mienavita z hetaj pryčyny Biełarusi vyhadna pastaŭlać bienzin u inšyja krainy. U Rasii, adznačaje hazieta, dziaržava nie daje cenam chutka raści ŭśled za ekspartnaj alternatyvaj. Pa słovach adnaho z čynoŭnikaŭ, moža prajści piać ci šeść miesiacaŭ, pierš čym jany zraŭniajucca.

Minsk spasyłajecca na padpisany ŭ mai 2014 hoda pratakoł, pavodle jakoha Biełaruś moža pačać kansultacyi ab časovym skaračeńni pastavak u tym vypadku, kali ceny na rasijskim rynku apynucca nižej za ekspartny parytet.

Krynica «Viedomostiej» raspaviała, što abodva baki hatovyja pačać handlavacca.

«Abiedźvie krainy hatovyja handlavacca, kaža čynoŭnik: «Pačynajecca pokier».

Biez rasijskaj tannaj nafty ŭ Biełarusi chutka skončacca finansavyja resursy dla padtrymki valuty, a ŭ Alaksandra Łukašenki sioleta vybary, nahadvaje adzin z čynoŭnikaŭ.

Rasija ž palityčna zaležyć ad siabroŭstva ź Biełaruśsiu, kaža čynoŭnik finansava-ekanamičnaha błoka ŭrada: u minułym hodzie Łukašenka prymusiŭ Rasiju pryniać amal usie jaho ŭmovy ŭstupleńnia ŭ JEAES», — tak skančajuć svoj artykuł aŭtary vydańnia «Viedomosti».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?