Jaho vyzvalili z škłoŭskaj kalonii, dzie jon adbyvaŭ pakarańnie. Pavodle słovaŭ Źmitra, navina pra vyzvaleńnie dla jaho była poŭnaj niečakanaściu.

Nahadajem, što ŭ listapadzie 2006 h. (ad vieraśnia 2006 h. jon znachodziŭsia ŭ śledčym izalatary) Daškievič byŭ asudžany na paŭtara hodu źniavoleńnia za ŭdzieł u niezarehistravanaj arhanizacyi «Małady front». Na volu jon mieŭsia vyjści 15 sakavika 2008 h.

«U sieradu kala 17-j micyjanty pryjšli na pracu i adviali mianie ŭ štab, — raspaviadaje Daškievič. — Tam mnie paviedamili, što rašeńniem Viarchoŭnaha Sudu ad 22 studzienia moj termin źniavoleńnia byŭ źmienšany da hodu». Choć z chadajnictvam u VS Źmicier nie źviartaŭsia. Nie śviaciła jamu i ŭmoŭna-daterminovaje vyzvaleńnie — ź piaćciu «parušeńniami režymu». Vyśvietliłasia ŭrešcie, što Daškievič pierasiedzieŭ u kalonii lišnija čatyry miesiacy. «U adkaz na pytańnie, jak ža z hetymi miesiacami być, mnie paraili chutčej sabracca, i kab siońnia ž mianie ŭ kalonii nie było».

Z Škłova Źmicier skiravaŭsia ŭ Voršu, adkul najzručniejšy šlach u Miensk. Daškievič nie vyhladaje zmučanym — jon pramienicca radaściu, uvieś čas žartuje. Pierad vychadam na volu jamu vypłacili zaroblenyja na lahiernaj piłaramie rubli. Na ich jon nakuplaŭ harbaty i častavaŭ na aršanskim vakzale ŭsich, chto pryjechaŭ jaho sustreć — Barysa Hareckaha z «MF», siabroŭ-pratestantaŭ, žurnalistaŭ.

Poŭnaj niečakankaj było vyzvaleńnie syna i dla baćkoŭ. Jak raskazaŭ Viačasłaŭ Daškievič, dziesiać dzion tamu jany adpravili synu banderol, ale pazaŭčora jaje viarnuli bieź nijakich tłumačeńniaŭ. Baćki ŭspryniali heta jak niejkija biurakratyčnyja pieraškody, a nia śviedčańnie chutkaha vyzvaleńnia. «Kali my jeździli da syna ŭ kaloniju, jon prynios nam dźvie vialikija torby jahonaj turemnaj pierapiski. Ale jon nia dumaŭ, što vyjdzie na volu, jon čakaŭ čahości horšaha. Źmicier byŭ upeŭnieny, što siadzieć jašče doŭha», — kaža baćka.

Z Voršy Źmicier adrazu ž unačy skiravaŭsia ŭ Miensk. Jon źbirajecca zasiarodzicca na palityčnaj dziejnaści, vuličnych akcyjach Viasny-2008, budzie rabić sproby zarehistravać «Małady front». Daškievič nie škaduje, što prajšoŭ praz takoje vyprabavańnie: «U kamerach ludzi ŭsio razumiejuć, tam viedali, naprykład, pra akcyi pradprymalnikaŭ, jakija adbyvalisia ŭ Biełarusi, tam padtrymlivajuć palityčnyja źmieny».

Cimoch Drančuk, kiraŭnik arhkamitetu «Biełaruskaha kamitetu ŭ abaronu pravoŭ źniavolenych» bačyć u vyzvaleńniach pazytyŭnuju tendencyju: «Mahčyma, ułady zrazumieli, što niedastatkova ŭziać kredyt u Rasiei, kab zachavacca. Vyzvaleńni Aŭtuchoviča i Daškieviča — pieršy krok na šlachu vykanańnia 12-ci ŭmovaŭ Eŭraźviazu. Nielha skazać, što tut tolki palityčnaja hulnia, heta kankretnyja kroki».

«Absalutna niečakanaje vyzvaleńnie! — zhadžajecca pravaabaronca Aleś Bialacki. — Tym bolš na fonie apošnich zatrymańniaŭ i «spravy Źdźvižkova». Možna mierkavać, što paŭpłyvała ćviordaja pazycyja Eŭropy pa palityčnych viaźniach Biełarusi. Mahčyma, heta novaja sproba režymu załahodzić Zachad i źniać napružanaść sytuacyi».

Źmicier Pankaviec

***

Baćki Daškieviča: Vyzvaleńnie Źmitra stała dla nas poŭnaj niečakanaściu.

Jak raskazaŭ baćka Źmitra, Viačasłaŭ Daškievič, 10 dzion tamu jany adpravili synu banderol, ale pazaŭčora jaje viarnuli bieź nijakich tłumačeńniaŭ. Ale baćki ŭspryniali heta jak niejkija biurakratyčnyja pieraškody, a nia śviedčańnie chutkaha vyzvaleńnia.

«Kali my jeździli da syna ŭ kaloniju, jon prynios nam dźvie vialikija torby jahonaj turemnaj pierapiski. Ale jon nia dumaŭ, što vyjdzie na volu, jon čakaŭ čahości horšaha. Źmicier byŭ upeŭnieny, što siadzieć jašče doŭha. I my taksama nia dumali, što jon tak chutka budzie z nami,» — kaža baćka.

Maci Źmitra płača ad radaści, chacia chvalujecca za toje, jak syn dajedzie dadomu. «Dziakuj Bohu, i dziakuj ŭsim dobrym ludziam, što nas padtrymlivali. Ŭsio budzie dobra, ja viedaju. Choć by chutčej jon pryjechaŭ».

Baćki kažuć, što prahladali turemnuju pierapisku syna, i ŭbačyli tam šmat listoŭ z roznych krain i roznych haradoŭ Biełarusi. Jany ščyra dziakujuć usim, chto dapamahaŭ Źmitru ŭ hety ciažki čas.

* * *

Pravaabaronca Aleś Bialacki:

«Absalutna niečakanaje vyzvaleńnie! Tym bolš na fonie apošnich zatrymańniaŭ i «spravy Źdźvižkova». Chacia tydzień tamu byŭ vyzvaleny Aŭtuchovič, nichto nia dumaŭ, što zaraz vyzvalać i Daškieviča.

Niaprosta zrazumieć, čamu heta adbyłosia, možna tolki mierkavać, što paŭpłyvała ćviordaja pazycyja Eŭropy pa palityčnych viaźniach Biełarusi. Mahčyma, heta novaja sproba režymu załahodzić Zachad i źniać napružanaść sytuacyi».

* * *

Cimoch Drančuk, kiraŭnik arhkamitetu «Biełaruskaha kamitetu ŭ abaronu pravoŭ źniavolenych»:

«Ja baču pazytyŭnuju tendencyju ŭ tym, jak niečakana vyzvalili Źmitra. Mahčyma, ułady zrazumieli, što niedastatkova ŭziać kredyt u Rasiei, kab zachavacca. Vyzvaleńni Aŭtuchoviča i Daškieviča — pieršy krok na šlachu vykanańnia 12‑ci ŭmovaŭ Eŭraźviazu. Nielha skazać, što tut tolki palityčnaja hulnia, heta kankretnyja kroki.

Nia hledziačy na ŭsie palityčnyja momanty, vinšuju Źmitra! Hałoŭnaje, što jon na svabodzie».

* * *

Stanisłaŭ Šuškievič — hramadzka-palityčny dziejač, staršynia parlamentu ŭ 1991-1994 hh.:

«Pra vyzvaleńnie Źmitra čuju ŭpieršyniu, ad vas, i heta vydatnaja navina. Źmicier Daškievič — cudoŭny małady čałaviek, nie było za što jaho sadžać. Jahony aryšt — heta hańba ŭładzie. Ja liču, jany vymušanyja byli pakazać niešta prystojnaje sa svajho boku paśla padziej z pradprymalnikami, prademanstravać niejkuju ludzkaść. Chacia nasamreč ni ŭ hetaj uładzie, ni ŭ jurydyčnaj systemie, ni ŭ zakanadaŭstvie ničoha ludzkaha niama. Čałavieka mohuć asudzić ni za što, pasadzić u turmu. Heta čystyja nieludzi».

Zapisaŭ Jarasłaŭ Ściešyk

Polatsk. Photo by Julia Darashkevich
Źmicier Daškievič pa vyzvaleńni

Fota Julii Daraškievič

Клас
0
Панылы сорам
0
Ха-ха
0
Ого
0
Сумна
0
Абуральна
0