Pinski mižrajonny adździeł Śledčaha kamiteta rasśleduje spravu pa č. 4 art. 209 KK (machlarstva, učynienaje ŭ asabliva bujnym pamiery) u dačynieńni da 32-hadovaha miascovaha žychara, jaki nidzie nie pracuje.
Jak paviedamiła aficyjny pradstaŭnik upraŭleńnia Śledčaha kamiteta pa Bresckaj vobłaści Maryna Drańkova, mužčyna padazrajecca ŭ tym, što z 2013 pa 2014 hod šlacham padmanu zavałodaŭ hrašovymi srodkami pinčan na sumu bolš čym $130 tys. Pry ŭzajemadziejańni z adździełam pa baraćbie z ekanamičnymi złačynstvami Pinskaha HAUS ustanoŭlena bolš za 10 epizodaŭ supraćpraŭnaj dziejnaści.
Machlar dziejničaŭ pad roznymi markami, u tym liku braŭ hrošy na raźvićcio biźniesu, abiacaŭ paciarpiełym pryhnać aŭtamabili z-za miažy, nabyć sielskahaspadarčuju techniku, vyrašyć pytańnie ab vydzialeńni ziamielnych učastkaŭ dla budaŭnictva žylla. Samaja značnaja suma, jakoj jamu ŭdałosia zavałodać, — $45 tys. za abiacańnie pryhnać z-za miažy darahi transpartny srodak.
Svaje abiacańni mužčyna nie vykonvaŭ, a kali jaho prasili viarnuć hrošy, spasyłaŭsia na adsutnaść srodkaŭ.
Usie paciarpiełyja adnosiacca da koła znajomych mužčyny. Jon staraŭsia pabudavać ź imi davierlivyja adnosiny i paśla hetaha atrymlivaŭ hrošy.
Žycharu Pinskaha rajona pradjaŭlena abvinavačańnie pa č. 4 art. 209 KK. U dačynieńni da jaho abrana miera strymańnia ŭ vyhladzie źniavoleńnia pad vartu.
Śledčymi prymajucca miery pa kampiensavańni abvinavačvanym uronu paciarpiełym.