Źmicier Vajciuškievič u siaredzinie lutaha vyjazdžaje ŭ Japoniju, kab dać niekalki kancertaŭ u hetaj krainie. Vystupy majuć prajści pakul što ŭ nievialičkich zalach u miežach znajomstva Japonii ź biełaruskaj kulturaj i muzykaj u pryvatnaści. Sam muzyka pierapoŭnieny emocyjami: «Ja rady, što pačesnaja misija pradstaŭlać Biełaruś u krainie ŭzychodziačaha sonca dastałasia mienavita mnie».

Sa słovaŭ Vajciuškieviča ŭ Japonii buduć niekamercyjnyja kancerty.

«U asnoŭnym ja budu vykonvać tam japonskija pieśni z albomu «Miesiac i sonca« na biełaruskaj movie. Adznaču, što padrychtoŭka da hetaha prajekta viałasia ŭžo dosyć daŭno i dla mianie heta było zvyšcikava».

Dadamo, što Vajciuškievič užo razvučyŭ i pieśniu pa‑iaponsku.

Choć muzyka źbirajecca ŭ niablizki šlach biez svaich muzykaŭ z WZ‑Orkiestra, biez akampanementu jon nie zastaniecca. Užo tamaka da jaho majuć dałučycca miascovy hurt Dreydel, jaki zaraz repetuje prahramu biełaruskaha vykanaŭcy.

Viadoma ž, japoncy, što viadomyja svajoj haścinnaściu rychtujuć dla biełaruskaha muzyki vialikuju kulturnuju prahramu. Svaimi ŭražańniami pra pajezdku Vajciuškievič abiacaje padzialicca adrazu ž — u dzień svajho pryjezdu.

«Škada, što nie vaźmu praz hetyja kancerty ŭdzieł u «Rok‑Karanacyi«, ale spadziajusia na mianie nie zabuducca», — uśmichajecca muzyka.

Pa viartańni ŭ Biełaruś Źmicier Vajciuškievič miarkuje ŭščylnuju zaniacca inšymi svaimi internacyjanalnymi prajektami — polskim i švedzkim.

Tuzin Hitoŭ

Клас
0
Панылы сорам
0
Ха-ха
0
Ого
0
Сумна
0
Абуральна
0