28 lutaha 2015 hoda ŭ 16:00 u zale pastajannaj ekspazicyi «Mastactva krain Uschodu XV – pač. XXI st.» Nacyjanalnaha mastackaha muzieja RB adbudziecca lekcyja «Architektura Karei».
Historyja architektury Karei naličvaje bolš za 2 tysiačy hadoŭ, pačynajučy ad pieranosnych načležak časoŭ niealitu i da sučasnych niebaskrobaŭ Sieuła. U toj ža čas na praciahu ŭsioj svajoj historyi architektura hetaj dziŭnaj krainy zachavała svaju samabytnaść i ŭnikalnaść, bieražliva ź vieku ŭ viek zachoŭvajučy i pieradajučy architekturnuju tradycyju ad pakaleńnia da pakaleńnia.
Kareja źviedała mocny ŭpłyŭ architekturnaj tradycyi Kitaja. Z Kitaja pryjšoŭ budyzm, pačała raźvivacca chramavaja architektura. Adnak karejskija architektary ŭnieśli svaje dapaŭnieńni ŭ chramavuju architekturu. Tak źjaviłasia muravanaja pàhada peŭnaha architekturnaha stylu – pekče. Jak prykład, adzin z samych viadomych chramaŭ śvietu – Sakuram i manastyr Pulhuksa. U toj ža čas architektura Karei akazvała niemały ŭpłyŭ na Japoniju.
Da našych dzion u Karei ŭcaleła vielmi mała staradaŭnich budynkaŭ. Častkova heta vyklikana tym, što draŭlanyja zbudavańni ŭ vilhotnym i haračym karejskim klimacie daŭžej, čym paru stahodździaŭ, uvohule nie mohuć zachavacca. Adnak kudy bolšuju škodu pomnikam karejskaj architektury nanieśli spustašalnyja vojny, jakija nie raz prakatvalisia pa Karejskim paŭvostravie.
U XXI stahodździ zastałosia mała zbudavańniaŭ, stvoranych pa praviłach tradycyjnaj architektury, ale ŭpłyŭ tradycyj vidavočny, kali hladzieć na mnohija sučasnyja karejskija budynki.
Na lekcyi my prasočym asnoŭnyja etapy raźvićcia karejskaj architektury, razhledzim, jakim čynam tradycyi prymianiajucca na praktycy siońnia.
Lektar – Rusłan Abramovič, małodšy navukovy supracoŭnik adździeła ruskaha i zamiežnaha mastactva.
artmuseum.by
Nacyjanalny mastacki muziej RB
adras: h. Minsk, vuł. Lenina, 20
