Były vychavalnik Škłoŭskaj škoły-internata dla dziaciej z parušeńniami zroku zatrymany ŭ Oršy Viciebskaj vobłaści pa padazreńni ŭ niezakonnym abarocie narkotykaŭ.
Jak paviedamili va UUS Mahiloŭskaha abłvykankama, žychar Škłova, jaki pracavaŭ u škole-internacie dla dziaciej z parušeńniami zroku, byŭ zatrymany ŭ Oršy kala paŭmiesiaca tamu pa spravie ab tak zvanych narkatyčnych zakładkach z vykarystańniem interneta. Razam z tym u milicyi ŭkazali, što supraćpraŭnaja dziejnaść, u jakoj jaho padazrajuć, nie była źviazana z pracaj u hetaj navučalnaj ustanovie.
Zatrymany nie tolki mieŭ piedahahičnuju adukacyju, ale i pryjšoŭ na pracu vychavalnikam u škołu-internat ź milicyi, ź inśpiekcyi pa spravach niepaŭnaletnich, paćvierdziŭ namieśnik dyrektara škoły pa navučalnaj rabocie Aleh Pimienaŭ. Jon adznačyŭ, što jaho były kaleha ŭžo nie pracuje vychavalnikam u dadzienaj navučalnaj ustanovie, zvolniŭšysia ŭ hetym miesiacy niezadoŭha da zatrymańnia.
«Padčas pracy na jaho asablivych spahnańniaŭ, narakańniaŭ nie było. Pracu vykonvaŭ dobrasumlenna», — skazaŭ piedahoh. Jon adznačyŭ, što «niama faktaŭ, što padčas pracy ŭ škole jon zajmaŭsia niejkaj niezakonnaj dziejnaściu».